http://www.fotop.net/benedictng/benedictng67/Chinese_New_Year_Raceday_10_7
有沒有見過流星...?
我小時候經常會見到...
我躺在船上...
望著天...
心中在想...
流星呀流星...
於是就有流星了...
不是說笑...
差不多每半個小時就會有流星飛過...
我們的香港太光...
就算有飛碟經過都看不到...
何況流星...?
可能上天在我小時候...
就已經給了我太多次許願旳機會...
但我一次都沒有把握...
Subscribe to:
Post Comments (Atom)
5 comments:
香港的生活太緊張, 繁忙; 很多人都看不到流星, 許不了願. 在城市裡, 如果有時間看著天空久一點, 看遠一點的話, 有時都可以見倒微弱的願望在遠方閃耀; 如果可以放放假去遠一點的地方, 例如大嶼山, 什至西安, 都可以許不同的願望; 可是...香港人實在太忙, 太累了.... 不過...許過願後, 不能乾等不行動呀~~
[版主回覆03/13/2010 14:21:00]妳見過幾多次流星...? 其實真係一下咁快... 係許唔到願架...
都見過兩次, 一次喺長洲食完晚飯搭船番嚟嗰陣見倒, 另一次係去絲路, 其中西安一間類似四合院嘅酒店外面嘅大草地度見倒, 嗰晚除咗流星, 同密密麻麻嘅星星之外, 仲見倒喺故事入面提及過嘅[銀河]一大條﹗真係大開眼界﹗
[版主回覆03/15/2010 00:00:00]我好羡慕妳可以去咁多地方...
我好似少好多哩d機會...
有冇銀河相睇?
我只係咁啱去旅行見倒啫, 以前喺舊舊公司份工都幾好, 老闆當我哋係人, 每年十二日假, 又有時間番夜校同正常生活....
嗰陣冇影相呀, 星星相傻瓜機好難影. 你試吓上網搵吖, 可能有都唔定.
[版主回覆03/16/2010 08:04:00]老闆當妳地係人...= ='''... 我上星期同上司講... 話我真係有好多野做... 可唔可以分配俾D某某做... 佢話從來都冇咁o既打算...= =...
[當你係唔係人]呢樣嘢自從啲乜乜風暴之後, 呢個問題存在咗好耐, 嗰陣好多公司都賺唔倒錢而cut人, 咁走咗嘅人啲嘢邊個做呢？嗰陣老細同未走嘅人講叫佢做埋, 未走嘅人見老細唔炒佢, 唯有做埋啦, 算係有苦一齊捱, 好好渡過呢個危機.....未幾, 危機過咗, 公司收支平衡, 老細見未走嘅人做兩份嘢雖然要OT(當然係NO PAY), 但係都做得好好喎, 於是就唔再請人....未幾, 留低嘅人覺得辛苦, 同老細周旋不果, 唔撈﹗冇辦法之下, 老細唯有請番一個人做兩個人嘅, 新嚟嘅人以為工作量真係咁大, 為咗層樓, 為咗頭家, 唯有頂硬上, 繼續OT, 繼續做...未幾, 又有乜乜海嘯, 老細話唔減人工公司就執笠, 於是, 新人唯有以幾千蚊價錢做兩個萬幾蚊人工嘅工作.... 就係由於新人勤奮捱得唔埋怨嘅性格, 老細就繼續由得佢一個人咁生活(冇時間陪屋企, 冇時間進修, 冇時間去整理自己嘅人生). 相反, 海外部門嘅同事, 因為有工會, 所以可以剩係番朝九晚六, 一個星期五日工, 一個人做一個人嘅工作份量, 仲唔駛OT添........
以上故事純屬虛構, 如有雷同, 實屬巧合.
[版主回覆03/17/2010 08:36:00]我將妳哩個巧合故事... save低!
如果你真係要save嘅, 麻煩改一改個名: 係[當你唔係人]至啱, 鎖你﹗
[版主回覆03/19/2010 07:58:00]咁使唔使加番"閒人"提~~~
Post a Comment