Monday, February 26, 2007

未來...



http://www.fotop.net/benedictng/_______X/The_Future

現在的我...
對未來充滿憧景...

只是現在的生活太難過了吧?

11 comments:

閒人 said...

要加油呀﹗

Benedict said...

閒人, 好似黎黎去去都唔係係好順利咁...

winto 666 said...

別要想難過... 越想會越難的...

雪雪 said...

ben ben 乖~~ 我鐘意你呢張相! 嘿

閒人 said...

  就係要咁先至可以令到你心靈變更強壯,之後就有能力照顧一啲需要你照顧嘅人;假如自己都唔可以承受自己嘅苦難嘅,又點可以去幫其他人渡過難關呢?  
  雖然閒人冇咩資料同你講咩大道理,不過都希望你可以堅強啲,因為每個人都有自己嘅路要行,有人識得苦中作樂,有人就身在福中不知福.  要學會喺黑暗中搵倒曙光,話易唔易,話難唔難,除咗靠自己之外,就冇人可以依靠;如果你只係相信你嘅四週只係漆黑一片嘅,就算有人攞住支大光燈射向你,你都唔會睇倒;但係只要你相信黑暗中係會有曙光嘅,就算你真係比一片漆黑包圍住,終有一日你一定會搵倒出路.
雖然你唔係最幸福同好運嗰個,但係就一定唔係最慘同最黑嗰個﹗唔好成日諗啲負面嘅嘢呀﹗要樂觀啲,積極啲,咁好運就自然會嚟搵你㗎嘞﹗一定要加油呀﹗你一定得嘅﹗正所謂...〔香港一定得﹗〕係咪?

SIU FUNG said...

成日自怨自哀, 難道咁樣又唔會令你身邊人既生活變得唔難過咩? http://hk.knowledge.yahoo.com/question/?qid=7006111501761

雪雪 said...

ben 仔,你睇下閒人幾語重心長咁同你講!喂~我介紹你睇 "翻生侏羅館 (Night At The Museum)" ,丫!初時我以為係普通笑片,原來喻意幾好,睇完你會開心同發奮 d! 閒人,我已經話左佢無數次架喇~~~!!! :目

SIU FUNG said...

我覺得閒人說得很對。沒有黑暗,便反映不出光明... 路往往不會自己給開拓, 自怨自哀,只會加劇了前路的崎嶇.. 長長人生裡,不如意的事, 實在是多的是;  只要還有給自己去改變和進步的空間,生活又有何難過呢?

閒人 said...

  哎吔...唔好誤會呀,我唔係喺話佢呀,我只係打個譬如咋.因為喺我心目中,阿ben係好堅強,好識照顧人,因為我見阿邊個都振作咗好多,我相信阿ben應記一功;而今次佢咁唔開心一定有佢嘅原因,佢有時自怨自艾可能係一種發洩嘅方式;只要喺怨過鬧過之後振作番,又有乜所謂呢?
  阿ben:我真係想你振作啲﹗你睇吓你有幾多朋友支持你?比心機呀﹗唔可以即刻都要試吓慢慢嚟,有志者事竟成﹗
  阿邊個:你要多啲陪吓佢呀﹗知嘛﹗
  小虎/雪雪:其實’黑暗’呢句嘢我係睇咗砂砂美之後學㗎﹗哈....
  
 
  

Benedict said...

各位... 其實你地唔使咁緊張... 自恕自艾都係要做人... 我又唔係自暴自棄...^-^;...

雪雪 said...

To: 閒人所講既阿邊個... 咦?早前你有不如意的事嗎? To: 閒人, 我當然知 Ben Ben 好努力,只係諗野太過灰。我岩岩同佢相反,我諗得好樂觀,但唔積極,咩都懶懶閒,所以仲衰!嘻嘻! To: Ben Ben, 俾心機 leeeee~~!